Plantun de Prouvènço

Pèr coumpara dos planto d'encò nostre

Iris pseudacorus & Cervaria rivini

Glaujo

Iris pseudacorus

Iridaceae

Àutri noum : Glaujòu-jaune, Tèsto-d'ase, Coutello-de-valat, Coutelas, Espaso.

Noms en français : Iris des marais, Iris jaune.

Descripcioun :
La glaujo "es uno grando planto que sort à bèlli mato au ribeirés dis aigo, emé de lòngui fueio en formo de coutello e de bèlli flour jauno requinquihado en l'èr coume d'alabardo d'or" F. Mistral in Memòri e Raconte, 1906.

Usanço :
Se fasié de cataplasme emé lou rizoume pèr sougna lis agacin (principe di signaturo). Mescla emé de la limaio de ferre dounavo peréu uno encro negro de qualita. F. Mistral ramento que "Flourdalis vèn de flour d'iris, car es un iris la glaujo, e l'azur dóu blasoun represènto bèn l'aigo ounte la glaujo crèis, Ibid. Aro se n'en servèn pèr depoulua l'aigo.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Jauno
Petalo : 6
Ø (o loungour) flour : 5,5 à 6,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Roubino
Estànci : Termoumediterran à Mountagnard
Couroulougi : Éurasiatico
Ref. sc. : Iris pseudacorus L., 1753

Fenoui-de-cabro

Cervaria rivini

Apiaceae Umbelliferae

Noms en français : Herbe aux cerfs, Peucédan cervaire.

Descripcioun :
Lou fenoui-de-cabro es uno erbo renadivo pulèu grando emé de fueio dous (à tres) cop decoupado. Li fuioun s'acabon emé uno pichoto pouncho (fotò) ; li costo se veson bèn. I'a de bratèio is oumbello e is oumbelulo.

Usanço :
Es uno planto que sènt proun bon e qu'es estado utilisado contro li fèbre.

Port : Grando erbo
Taio : (0,3)0,5 à 1,2(1,7) m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Cervaria
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 10 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à óutobre

Liò : Orle de bos - Tepiero seco - Bos clar - Colo
Estànci : Mesoumediterran à Mountagnard
Couroulougi : Éuropenco
Ref. sc. : Cervaria rivini Gaertn., 1788 (= Peucedanum cervaria (L.) Lapeyr., 1813 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Iris pseudacorus & Cervaria rivini

ges

Coumpara Glaujo emé uno autro planto

Coumpara Fenoui-de-cabro emé uno autro planto